Make your own free website on Tripod.com

Chitrakaar

Home Main category Lalaji Gudia Doctor Jugnu Bandar Billi Chitrakaar Rel Gadi Prarthana Bhajan Pede Wala Chidiya A-Gya Bihari Lok Geet Jaipuri Folk Kismat Lohe ke Ped

Chitrakaar

Chitrakaar Sunsan Jagah Mein Bana Raha Tha Chitra

Itne Mein Vahaan Aa Pahuncha Ek Yamraja Ka Mitra

Use Dekh Kar Chitrakaar Ke Turant Ud Gaye Hosh

Nadi Pahad Aur Patton Ka Rah Na Gaya Kuch Josh

             Phir Usko Kuch Himmat Aai, Dekh Use Chupchap

            Bola Sundar Chitra Bana Doon, Baith Jaiye Aap

            Ukdu- Mukdu Baith Gaya Woh, Saare Ang Bator.

            Bade Dhyaan Se Laga Dekhne Chitrakaar Ki Oor.

Chitrakaar Ne Kaha, Ho Gaya Aagey Ka Taiyaar

Munh Ko Aap Udhar To Kariye, Jungle Ke Sartaj

Aankh Moond Kar, Peeth Ghuma Kar Baith Gaya Woh Sher

Chitrakaar Chupke Se Khiska Bina Kiye He Der.

            Nadi Kinare Naav Raghi Thi, Aur Rakha Tha Baans,

            Chitrakaar Ne Naav Pakad Kar Li Jee Bhar Ke Saans

            Jaldi- Jaldi Naav Chala Kar Nikal Gaya Woh Dooor

            Udhar Sher Tha Dhoka Kha Kar, Jhunjhlahat Mein Choor

Sher Bahut Khisiya Kar Bola, Naav Jara Le Rok

Kalam Aur Kagaj To Le Ja, Kahe Re Darpok

Chitrakaar Ne Kaha, Ise To Rakhiye Apne Paas

Chitrakala Ka Aap Kijiye Jungle Mein Abhyaas.